Verkefni

í þessu verkefni læra nemendur að móta í snjóinn og búa til skúlptúra úr snjónum. Unnið er með fjölbreyttar aðferðir. Verkefnið er hugsað fyrir nemendur á öllum aldri. Verkefnin byggja á grundvallaratriðum sjónlista þar sem unnið er með þrívítt form, ljós og skugga. Nemendur munu kynnast töfrum vetrarins og hvernig hægt er að nýta snjóinn til listsköpunar. Landslagið  okkar breytist þegar snjóar og veröldin verður hvít. Margir eiga góðar minningar tengdar snjónum svo sem skíða- skauta- og sleðaferðir en það var og er líka mjög gaman að búa til snjóhús, form og fígúrur úr snjónum. 

það er mikilvægt að viðhalda þeirri hefð að fara út og leika sér í snjónum. Þetta verkefni byggir fyrst og fremst á útikennslu- og námi.

Áhöld:

Sagir, skóflur, hnífar, plastkassa og fötur 

Aðferð:

Búnar eru til blokkir úr snjó með því að saga kubba og hlaða. Snjór blandaður vatni er notaður til að fylla upp í göt og jafna samskeyti. þegar búið er að hlaða nægilega stóra blokk er byrjað að móta fígúruna með hnífum, skóflum og öðrum áhöldum sem henta. Gott er að móta fígúruna eða dýrið í grófum dráttum áður en farið er að fást við smáatriði. Það er áhugavert að frysta mislita ískubba til að nota í skúlptúrana. Einnig má nota vatnsliti til að gefa skúlptúrunum lit. Notið hugmyndaflugið og ekki hika við að gera tilraunir.

Útikennsla 

Umhverfismennt