Embedded Files
Sigmundur P. Freysteinsson er fatahönnuður sem útskrifaðist frá Listaháskóla Íslands árið 2019. Hann hefur góða reynslu í tilraunakenndri sníðagerð, hönnun, jurtalitun og nýsköpun í textíl. Markmið hans er að þróa ný kerfi í sjálfbærri hönnun og umverfisvænni framleiðslu, sem nýtir auðlindir Íslands. Sigmundur hefur rannsakað hversu fjölbreytta liti má ná fram með náttúrulegu litarefni úr íslensku umhverfi. Síðastliðið ár hefur Sigmundur gert tilraunir á rúmlega 40 mismunandi litunarefnum frá plöntum, þangi og matarúrgangi. Afurðin er greinargóður gagnagrunnur náttúrulita úr íslensku umhverfi. Markmiðið með rannsókninni er að kanna möguleika íslenskrar textíllitunnar sem umhverfisvænan valkost fyrir framleiðslu á nútíma hönnun. Verkefnið tekur mið af íslenskri jurtalitunarsögu og horfir til framtíðar hvernig við þróum þekkingu á því sem landið gefur. Myndir teknar af :http://www.honnunarsafn.is/is/syning/n%C3%A1tt%C3%BArulitun-%C3%AD-n%C3%BAt%C3%ADmasamhengi
Hildur Bjarnadóttir er einn af þeim listamönnum sem vinna beint með landið. Hún eignaðist landskika í Flóahreppi þar sem fjölbreyttur gróður vex. Í landinu sem er flatt eru móar, engi og gras. Á því vaxa plöntur eins og blóðberg, krossmaðra, hrútaberjalyng, þursaskegg, klófífa, hálmgresi, mýrasóley, ilmreyr, bugðupuntur, mjaðjurt, blávingull og hálíngresi.Hildur hefur notað landið og gróðurinn sem á því vex sem vettvang til að velta fyrir sér hvernig það er að eiga sér rætur á tilteknum stað. En hún hefur líka skoðað áhrif umgengni mannsins við náttúruna. Hildur vinnur liti úr plöntunum og notar í listaverkin. Í verkunum skoðar Hildur landið og tilvist þess frá mismunandi sjónarhornum. Hún býr til persónuleg kerfi, huglæg og sjálfstæð.Myndir teknar af: https://hverfisgalleri.is/artist/hildur-bjarnadottir-2/
Page updated
Google Sites
Report abuse