Námsverkefni í sjónlistum - List úr rusli eða fundnu efni

List úr rusli eða fundnu efni

Samþætting sjónlista við umhverfismennt

Verk eftir Hiroyuki Nishimura en hann notar viðarafganga eða frákast í verkin sín.

Mynd tekin af: http://www.somewheretokyo.com/hiroyukinishimura_shepherdandgrandson.html

Sjálfbærni

Sjálfbærni er einn af grunnþáttum menntunar sem felur í sér að nemendur þurfa að tileinka sér gagnrýna hugsun á sviði neyslu-og umhverfishegðunar sem leitt gæti til sjálfbærari lífshátta. „Algengasti skilningur á hugtökunum sjálfbærni og sjálfbær þróun felur í sér að við skilum umhverfinu til afkomendanna í ekki lakara ástandi en við tókum við því og við leitumst við að mæta þörfum samtíðar án þess að skerða möguleika komandi kynslóða til að mæta þörfum sínum“. (Mennta- og menningarmálaráðuneiti, 2011, bls. 20) Hluti af listgreinakennslu í dag miðast að því að opna augu nemenda fyrir því að það sem við hendum og köllum úrgang getur verið dýrmætt hráefni sem getur verið spennandi að nýta á skapandi hátt. Það eru einhverjir töfrar fólgnir í að taka eitthvað sem enginn vill og gefa því smá fegurð. Og með hæfileika ruslaleitarans og einbeittan vilja getur list komið hvaðan sem er og verið gerð úr hverju sem er. Ég sé fyrir mér að sjálfbærni gæti verið tilvalið efni í heimspekilegar samræður og opnað augu nemenda fyrir mikilvægi þess að við leggjum öll okkar af mörkum til að skapa betri veröld fyrir okkur og komandi kynslóðir.

Kennsluáætlun

Umhverfismennt

Kveikjur

Verk eftir Magnús Helgason

Magnús Helgason styðst nær eingöngu við endurunnið efni í verkum sínum, svo sem gamlar flísar, útileguborð, part úr eldhúsinnréttingu og fleira. Magnús er stöðugt á höttunum eftir efni í verkin sín og fylgist vel með ef einhver er að rífa innréttingar, flísar og annað sem hægt er að nota í listaverk.

Verk eftir Ryosuke Harashima

Ryosuke Harashima, býr til nútímalega hluti úr gömlum

Mynd tekin af: https://www.1stdibs.com/creators/ryosuke-harashima/furniture/tables/

Verk Norihiko Terayama

Norihiko Terayama notar náttúrulega hluti eins og rekavið í verkin sín

Mynd tekin af: https://plainmagazine.com/norihiko-terayama-encases-ordinary-driftwood-dried-flowers-geometric-frames/

Verk eftirJean Michel Basquiat

Jean Michel Basquiat notaði gjarnan rusl sem hann fann á götum Manhattan í verkin sín

Mynd tekin af: https://www.sothebys.com/en/auctions/ecatalogue/2015/contemporary-evening-n09345/lot.42.html

Verk eftir Ryosuke Harashima

Mynd tekin af: https://www.1stdibs.com/creators/ryosuke-harashima/furniture/tables/

Plastbrúsar sem andlit, höfundur óþekktur

Mynd tekin af:https://www.pinterest.ch/pin/27021666501919377/

Verkin hér að ofan eiga það sameiginlegt að þau eru öll búin til úr rusli eða fundnu efni samt búa þau yfir mikilli fegurð hvert á sinn hátt. Sum þeirra svo fáguð og viðkvæm meðan að verk Basquiat öskra á áhorfandinn með hömlulausri og einlægari tjáningu sinni. Ég sé fyrir mér að þessi verk geti verið kveikja að heimspekilegum samræðum um sjálfbærni og hvernig er hægt að endurvekja og endurvinna úr gömlu og fundnu efni.

Verk unnin af nemendum

Verk unnið á rekavið

Þessi kynjavera var búin til í listasmiðjum í Grímsey. Veran er mótuð á rekavið úr álpappír, dagblöðum og pappamassa

Hákarl úr pappamassa

Þessir hákarlar voru búnir til í listasmiðjum í Hrísey. það er upplagt að nota efnivið úr nánasta umhverfi í verkin. Í þetta verk er notaður rekaviður úr nánasta umhverfi, pappamassi og álpappír. Verkið er málað með akríllitum

Skrímsli með vængi

þetta skrímsli var búið til í listasmiðjum í Grímsey sem voru haldnar á bryggjunni.

Þegar gamalt verður nýtt

Andlit úr stólsetu

Maður með stór eyru

Kona með blóm í hárinu

í þessu verkefni var sagaður niður stóll og hlutar hans nýttir í verkin. Nemendur bjuggu til mismunandi andlit með því að endurnýta afganga og gamalt dót.

Page updated

Google Sites

Report abuse